19 anyos gitulis, gisulaya'g lugos

KAPALONG, Davao del Norte - Usa sa tulo ka mga tulisan nga misulay og lugos sa dalaga alas 8 sa gabii niadtong Miyerkules ang nadakpan sa kapulisan.

Ang suspetsado giila nga si alyas Jack, 23, ulitawo, molupyo sa maong lugar.

Sumala pa nga nagkagidlay ang sapot sa usa ka alyas Tesa, 19, sa dihang midangop sa kuwerpo sa kapulisan human gisulayan og lugos sa tulo ka mga tulisan sa ngitngit nga bahin sa dalan sa Purok 7, Barangay Maniki, human siya gitulis.

Sumbong ni alyas Tesa nga samtang siya nagbisikleta, kauban ang ig-agaw nga si Migs, kalit lang gilabay sila og lapok sa nawong ug giduol sa tulo, dayong suntok sa tiyan sa dalaga.

Gilimas sa mga suspetsado ang iyang kuwarta ug gitangag ang selpon.

Sa kahadlok sa ig-agaw, midagan siya palayo samtang pugsanong gigisi-gisi ang senina ni alyas Tesa ug gipugos sa paghubo ang iyang underwear.

Sulayan unta siya og lugos, apan nakahigayon siya og dagan palayo sa maong lugar ug milahos og dangop sa kapulisan.

Kahagapon sa pakighinabi, si alyas Jack nanghimakak sa pasangil ngadto kanila tungod kay niadtong higayona matud pa tua siya sa sulod sa ilang balay.

"Wala gyud koy labot ana. Natingala man gani ko nga gidakop ko nga niadtong tungura natulog naman ko," pangatarungan ni alyas Jack nga nagtingkagol sa selda sa kapulisan.

Si alyas Jack gikasohan na og attempted rape ngadto sa Provincial Prosecutor's Office sa siyudad sa Tagum. (Teddy Cabana)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph