2 karnaper nasikop pasakaan og asunto

GIHIKAY na ang kasong carnapping batok sa duha ka batan-on human sila nasikop sa mga sakop sa Criminal Investigation and Detection Group-Davao del Norte (CIDG-DavNor) sa alas 3:30 sa hapon niadtong Lunes didto sa siyudad sa Panabo.

Si Police Senior Inspector Rodel Calo, hepe sa CIDG-DavNor, nag-ila sa mga dinakpan nga mao sila si Francis Palencia, alyas Nonoy, 19, ug ang ig-agaw niining si Jenno Palencia, alyas Tolits, 18, mga molupyo sa Ibakon, Tubod, Carmen, Davao del Norte.

Ang duha ka suspek maoy gitudlong nagkarnap sa usa ka motorsiklo nga Rusi 110 niadtong Biyernes sa kaadlawon nga gipanag-iyahan ni Vistal Roberto, 51, minyo, ug usa ka miyembro sa Civil Security Unit (CSU) sa siyudad sa Panabo.

Ang maong motor narekober na sa otoridad sa usa ka payag nga nahimutang sa sagingan sa Farm 1, Dapco, didto sa siyudad sa Panabo. (Teddy Cabana)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph