2 nangarnap gidemanda

DUHA ka lalaki ang gidemanda sa City Prosecutor's Office tungod sa pagpangawat, pagpanunggab, ug pagkarnap sa motorsiklo didto sa San Francisco Street, Barangay Mintal, Tubgok District, siyudad sa Davao niadtong Oktubre 8.

Nag-atubang og kasong robbery, carnapping, ug frustrated homicide pinaagi sa summary inquest procedure mao si Jay-ar Oraye Walan, hamtong, nagpuyo sa Barangay Sto. Niño, Tugbok District.

Ang laing suspek giila nga si Romick Ignacio Estabilla, nagpuyo sab sa lugar, nag-atubang gihapon sa samang kaso pinaagi sa regular filing sanglit wa pa masikop sa kapulisan.

Ang duha gidemanda tungod sa pagdunggab, pagtulis, ug pagkawat sa motorsiklo ni Ronnie Ocho Echalar, 35, habal-habal drayber ug residente sa susamang barangay.

Nahitabo ang insidente alas 2:00 sa kaadlawon samtang mihangyo ang mga suspek sa biktima nga kuhaon sila sa karendirya sa Mintal ug ihatud sa Matina.

Ang biktima mibalibad mao nga mibalik sila sa ilang gigikanan dayon gidunggab ang biktima sa dughan. Usa kanila mikuha sa bag ug motorsiklo nga may plate number 7476-QJ.

Mga suspek misakay sa motorsiklo samtang ang biktima gidala sa Southern Philippines Medical Center.

Si Walan naaresto sa iyang balay sa Tugbok mao ug gibalhog sa Tugbok Police Station. (Ruji Peter S. Abat)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph