2 patay sa landslide

NALUBONG nga buhi ang duha ka mga mag-uuma human natabonan sa yuta nga nidahili inubanan sa mga dagkong bato sa Purok-5, Sitio Kalot, Barangay Sta. Felomina, lungsod sa Quezon Bukidnon.

Patay ang mga mag-uuma nga sila Richard Sumahay, 40; ug Rodencio Cailaw, 42, pulos minyo, ug residente sa dapit.

Samaran usab sa insidente ang asawa ni Richard nga mao si Nilda Sumahay, 38, residente sa susamang dapit.

Sa inisyal nga report, nasuta nga pauli na ang mga biktima niadtong tungora dihang kalit lang nga midahili ang yuta ug maayong natabunan ang mga biktima nga maoy hinungdan sa ilang kamatayon.

Sa susamang adlaw ug oras usab nahitabo ang laing landslide sa Purok 6, Sitio Overview, Barangay Palacapao, susamang lungsod, diin usa lang ka linya sa national road ang maagian alang sa transportasyon.

Hinuon, giingong giaksyonan na sa lokal nga kagamhanan sa dapit ang maong insidente.

Giingong hinungdan sa pagdahili sa yuta mao ang walay hunong nga ulan niadtong niaging mga adlaw.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph