2 sikop sa druga

DUHA ka mga tawo ang nasikop sa managlahing operasyon sa otoridad dinhi sa siyudad sa Davao.

Unang nasikop mao si Sherwin Umacob, 29, piniriso sa Davao City Jail nga nahimutang sa Barangay Maa, siyudad.

Si Umacob nasikop alas 4:40 sa hapon niadtong Lunes sud sa comfort room sa mga bisita sa city jail.

Nakuha gikan sa suspek ang usa ka pakiteng shabu nga gihimo karong ebidensiya sa korte.

Sa laing operasyon, nasikop sab si Aleli Verano, 34, minyo, nagpuyo sa Purok 2, Barangay 76-A Bucana, ning siyudad.

Si Verano nasikop alas 10:00 sa buntag kagahapon sa mga sakop sa Philippine Drug Enforcement Agency-Davao region.

Nakuha gikan kaniya ang 29 pakite sa shabu, usa ka pack nga marijuana atol sa buy bust operation.

Ang suspek gipriso karon sa detention cell sa Davao City Police Office samtang gihikay ang kasong paglapas sa Republic Act 9165 kun Comprehensive Drugs Act of 2002. (AD/Seth delos Reyes)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph