200 ka barangay sa CV kuyaw: MGB

KAPIN 200 ka mga barangay sa tungatunga nga Kabisay-an ang gipasidan-an sa Mines and Geoscien­ces Bureau sa Department of Environment and Natural Resources sa posible nga storm surge, baha, ug landslide gumikan sa naghinangat nga bagyong Ruby.

Si MGB 7 Regional Director Loreto Alburo niawhag sa mga opisyal sa mga lokal nga kagamhanan nga ipabakwit ang mga molupyo nga anaa nanimuyo sa mga lupa nga dapit ug kadtong peligro sa pagdahili sa yuta.

“We need to send a strong message to the local government executives to undertake the necessary preemptive evacuation efforts in low-lying and landslide-prone areas in Bohol, Cebu, Negros Oriental and Siquijor as yet another typhoon has entered the country which could bring a lot of rains,” pagpasabot sa opisyal.

Ang mga barangay nga delikado sa storm surge mao ang Arpili, Balamban; Tungkil, Minglanilla; Talisay, Maricaban, ug Kinatarcan sa lungsod sa Santa Fe; Tarong, Mancilang, ug Codia sa lungsod sa Madridejos; Patao ug Pitogo sa lungsod sa Bantayan; ug Tanke sa dakbayan sa Talisay.

Sa siyudad sa Sugbo, 19 ka mga barangay ang taas ang posibilidad nga maigo sa landslide sama sa Lusaran, Binaliw, Guba, Budlaan, Malubog, Buot-Taup, Busay, Sirao, Taptap, Tagbao, Tabunan, Sudlon I, Pung-ol Sibugay, Sudlon II, Sinsin, Buhisan, Pamutan, Sapangdaku ug Adlaon.

Sa City of Naga, naglakip kini sa mga barangay Tagjaguimit, Alpaco, Balirong, Mayana, Naalad ug Cogon.

Sa Talisay City, ang tanang bukirang mga barangay ang delikado sa landslide labi na ang Manipis; sa lungsod sa Dumanjug, ang barangay Doldol ug Purok 3 samtang barangay Cansalonoy sa lungsod sa Ronda.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph