25 ka sam-ang gisirad-an

SI Daanbantayan Mayor Ma. Luisa “Malou” Loot malaumon nga ang Cebu Electric Cooperative (Cebeco) 2 dili mokutay og kuryente sa 25 ka illegal nga sam-ang atol sa All Saints’ Day ug All Souls’ Day, Nobiyembre 1 ug 2.

Si Loot nipadala na og suwat ni Cebeco 2 General Manager Peter Señeres nga nag-awhag nga dili mohatag og kuryente sa ilegal nga sam-ang.

Apan, si Señeres niasoy sa Sun.Star Cebu nga ang Cebeco mohatag lang og transformer ug power meter nga temporaryo sud sa duha ka adlaw nga kasaulogan.

Matod ni Señeres, ang kontraktor na sa simbahan o pribadong grupo maoy mokutay sa linya sa kuryente ngadto sa mga lubong.

Ang 25 ka illegal nga sam-ang, 5 niini gipanag-iya sa simbahang Romano Katoliko ang gipasirad-an ni Loot ubos sa rekomendasyon ni Director Susana Madarieta sa Department of Health (DOH) 7. (Gikan sa Sun.Star Cebu)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph