27 anyos gilugos sa ama-ama

NAGTINGKAGOL sa prisuhan ang 39 anyos nga lalaki human gitumbok nga nilugos sa anak sa ikaduhang asawa ninii sa Barangay Sihayon, lungsod sa Tagoloan, Misamis Oriental.

Giila ang biktima nga mao si Lea (tinoud nga ngalan gipugngan), 27, dalaga, residente sa susamang dapit.

Gitumbok nga suspetsado mao si Eduardo Francisco, kinsa bana sa inahan ni Lea.

Saysay sa 27 anyos ngadto sa Women and Children Protection Desk sa Tagoloan Police Station nga wala na gyod niya naagwanta ang halos kada gabii nga pagpanglugos nga gihimo kaniya sa ama-ama.

Niadtong Oktubre 5 nagsugod ang pagpanglugos hangtod niadtong petsa 9. Daw nagbahad pa ang suspek nga patyon ang biktima kung magtug-an kang bisan kinsa.

Pipila ka adlaw gikan sa sunod-sunod nga pangunsumo sa ama-ama nga moulian kada gabii lamang kay nagtrabaho man kini. Tungod sa kahadlok sa biktima mausab pa ang gihimo ngadto kaniya nisaysay ang biktima sa iyang mga silingan ug mitabang kaniya nga magpatabang sa buhatan sa kapolisan.

Gilusad dayon sa kapolisan ang operasyon pagsikop sa suspek kinsa nagtingkagol sa prisuhan ning panahona ug gikatakdang dal-on na sa Misamis Oriental Provincial Jail. (Stephanie V. Berganio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph