28-anyos `gi-rape’ sa bana sa iyang silingang masahista

BANA sa usa ka masahista gipasanginlan nga milugos sa usa ka babaye nga kostumer sa iyang asawa nga ila ra sab nga silingan.

Apan ang suspek kusganon nga nanghimakak sa pasangil ug nialigar nga ilang sinabutan ang nahitabo tali kanila sa biktima.

Ang pagpanglugos nahitabo sulod sa balay sa suspek sa Gonzales Compound, dalan Elizabeth Pond, dakbayan sa Sugbo pasado alas 6 sa milabay nga gabii.

Apan ang hitabo pasado alas 2 na sa kaadlawon nasumbopng sa kapulisan sa Fuentes a biktima, kinsa nakahigayon sa pag-eskapo kay nakatulog ang suspek.

Ang suspek nga nadakpan sa hot pursuit operation ug nakuhaan og 12 pulgadas nga kutsilyo giilang mao si Edilberto Peguires, 51, usa ka estambay.

Ang nipasangil kaniya mao si “Vani,” 24, minyo, iyang silingan.

Si SPO1 Agustin Collano sa Fuente Police nagkanayon nga miadto sa balay sa suspek ang biktima aron magpamasahe sa asawa niini.

Wa diha ang asawa sa suspek. Bisan pa niini, giagda siya sa suspek sa pagsulod sa

balay.

Sigun sa aligasyon sa biktima nga sa iyang pag-abot sa sulod, gitionan siya og kutsilyo sa suspek ug gibunlot paingon sa kwarto.

Nisuway siya sa pagsukol ang biktima, apan nalupig siya sa kusog hinungdan nga nakuha gyud ang iyang pagka babaye.

Wa siya makaeskapo gilayon kay nagbahad kaniya ang suspek nga siya patyon kay armado kini og kutsilyo.

Sigun sa dugang asoy sa biktima nga diha na siya nakahigayon sa pag-eskapo, human nakatulog ang suspek. Dali siyang nigawas sa balay ug nidiretso sa pagsumbong sa Fuente police.

Girespondihan dayon kini nila ni PO3 Achiles Sanchez ug mga kauban hangtod nga ilang naabtan ang suspek nga diha gawas sa ilang balay.

Wa mosukol ang suspek sa kapulisan, apan sa pagrekisa nakuha gikan sa iyang luyo ang usa ka kutsilyo.

Atubangan sa mga sakop sa media, ang suspek nanghimakak nga iyang gilugos ang biktima ug niinsister nga ilang sinabutan ang maong hitabo.

Bisan pa niini, gitanggong gyud siya sa kapulisan kay desidido ang biktima sa pagkiha kaniya.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph