3-anyos gidagit sa bayot

USA ka 3-anyos nga batang lalaki ang malampusong naluwas sa Anti-Kidnapping Group (AKG)-Davao human giingong gi-kidnap sa iyang katabang nga bayot niadtong Nobyembre 27.

Gilayong nagpatala sa Sta. Ana Police Station ang inahan niini nga si Jonalyn (bansagon gitago alang sa seguridad), 23, call center agent, nagpuyo sa 2nd Opal Street, Dacudao Avenue, ning siyudad, gumikan kay wa na niya makita sa ilang balay ang iyang anak ug wala sab ilang katabang.

Ang maong katabang giilang si alyas Ricky, 27, college student, lumad nga taga Marawi City, kinsa nagpahibalo sa inahan sa bata nga iya kining gidala sa ilang lugar.

Dugang pa ni Ricky, iyang ipalukat P600-mil ang bata.

Subay sa impormasyon gikan kang Police Superintendent Royina Garma, hepe sa Sta. Ana Police Station, nasayran nga nangayo og P600 mil ang suspek aron mauli ang bata nga gidala didto sa Barangay Bobong Bles, Saguiaran, Lanao del Sur.

"P600,000 ang hiningi ng suspek, pero after sa negotiation, bumaba sa P100,000. Naibigay ang pera, doon sa sinasabing nautangan ng family ng bata, pagkatapos iniwan ang bata sa capitol ng Lanao del Sur," sulti ni Garma sa pakighinabi sa Superbalita kagahapon.

Dugang ni Garma nga planado kaayo ang pagdala sa bata ug dunay maayong abilidad ang suspek sa pag-kidnap niini.

"Nawala ng mahigit 48 hours, tapos doon na sa Lanao na trace ang location ng bata. Although may tracking ang AKG pero doon na na-locate," dugang ni Garma.

Naluwas ang bata alas 10:15 sa gabii, Martes, diin gi-turn over kini ni Lanao del Sur Vice Mayor Amirudin Mati Angin.

"After na-turn over ang bata, pinadala namin kaagad sa ospital for medical examination, pina-check up, kasi takot ang bata pagnakakita ng tao, and today (Biyernes) lalabas ang resulta," panapos sa opisyal.

Sa gipagulang progress report sa Investigation Detection and Management Branch sa Davao City Police Office giingong di na interesado mopasaka og reklamo ang pamilya sa bata batok sa suspek kinsa kasamtangang kagawasnon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph