3 anyos nga bakwet namatay

PATAY na nga nahidangat sa bay tambalanan ang usa ka 3 anyos nga batang lalaki kinsa apil sa mga bakwet sa nahitabong pagbaha sa Sta. Cruz, Davao del Sur gumikan sa pagsuka ug kalibang.

Ang biktima, Arnold Mondejar, lumolupyo sa Barangay Sibulan, sakop sa lungsod sa Sta. Cruz, Davao del Sur, gihatud sa Almendras Evacuation Center banda alas 5:10 sa hapon niadtong Enero 17 sa dihang gibaha ang ilang dapit.

Apan human sa pipila ka adlaw niining pagpuyo sa evacuation center gihulagway nga nakabsan sa iyang hinulamang kinabuhi ang bata.

Labihan karon ang pagbangotan sa pamilyang Mondejar sanglit wa sila magdahom nga mamatay ang ilang anak.

Si Dra. Loreme Lindon, ang municipal health officer sa maong lugar, nihimo na og imbestistigasyon aron masuta kon unsay hinungdan sa pagkamatay sa biktima.

Hugtanong nagpahimangno ang ahensiya sa panglawas nga batonan ang kalimpyo sa lugar aron nga malikay sa pagtakod sa mga sakit.

Gipasidan-an sab sa MHO ang katawhan nga manghugas og kamot una pa man mokaon aron di matakbuyan og sakit. (DD)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph