3 kilong marijuana nasakmit

DUHA ka mga marijuana pushers ang nasikop sa mga sakop sa Philippine Drug Enforcement Agency (PDEA) didto sa siyudad sa Tagum.

Nasikop mao sila Jason Comawas, alyas Jason, 28, minyo nagpuyo sa Rizal, Maragusan, Compostela Valley Province ug Archie Boncato, alyas Balong, 31, minyo, driver, ug nagpuyo sa La Union, Mankilam, siyudad sa Tagum.

Sila Comawas ug Boncato nasikop alas 9:20 sa buntag didto sa Sta. Cruz Avenue, siyudad sa Tagum.

Mga suspek giposasan human namaligya og marijuana sa nagtakuban nga buyer nga sakop sa PDEA ug Tagum City Police Station.

Nakuha gikan nila ang tulo ka kilong marijuana mao nga pasakaan sila og kasong paglapas sa Republic Act 9165 kun Comprehensive Dangerous Drugs Act of 2002.

Gisakmit sab sa mga otoridad ang usa ka Honda Wave nga motorsiklo nga gigamit nila sa ilang pagpamaligya og gidiling druga.

Gipaabot nalang sa mga suspek ang adlaw nga sila taralon sa korte.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph