4 sundalo gimasaker sa NPA: Paniza

UPAT ka mga sakop 60th Infantry Battalion's Peace and Development Team ang gimasaker sa kapin napulo ka mga sakop sa New People's Army didto sa Sitio Cinco, Barangay Mapula, Paquibato District, siyudad sa Davao.

Ang insidente nahitabo samtang pauli na sa ilang detachment alas 5:30 sa hapon niadtong Dominggo.

Gibutyag ni 10th Infantry Division spokesperson Lieutenant Colonel Lyndon Paniza, ang upat nakasibilyan samtang sa sakay sa tulo ka motorsiklo.

Si Paniza nag-ila sa mga namatay nga sila Private First Class (Pfc) Ahian Vir Dolero, Pfc Marvin Lauronal, ug Pfc Noel Sigan, kinsa gihaya karon sa Villa Funeral Homes, Panabo City.

Base sa spot report sa Paquibato Police Station, sila Dolero, Lauronal ug Sigan gideklarang dead on the spot human sa pagpamusil kanila.

Laing kauban sa mga namatay nga si Private Marcelo Himaya, kinsa unang gikatahong missing, nakaplagan alas 10:00 kagahapon sa buntag duol lamang sa nahitaboan sa krimen.

Dugang ni Paniza a militar nga gipaantos ang biktima sa mga rebelde una siya gipatay.

"They were on their way back to their detachment after marketing when the incident happened," suma ni Paniza.

Ang mga biktima gisugo nga mamalit sa ilang pagkaon sa Panabo City, apan sa ilang pagpauli alas 3:00 sa hapon, gibabagan ug gipatay sa NPA.

Ang opisyal nagkanayon nga padayon ang hot pursuit operation sa militar aron masikop ang mga rebelde. (AD)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph