5% gihatag sa Veco

GIPATUMAN na sa Visayan Electric Company Inc. (VECO) sugod kagahapon ang paghatag og singko porsyento nga diskwento ngadto sa ilang kwalipikadong mga konsumedor nga mga senior citizens.

Mao kini ang gipahibawo ni Ethel Natera, tigpamaba sa VECO sa pakighinabi sa Sun.Star Superbalita kagahapon.

Matud ni Natera ang unang makapahimos sa maong diskwento kadtong mga senior citizens nga naaprobahan ang aplikasyon ug unang naka-apply sa ilang kompaniya.

Ang maong diskwento nalatid sa Republic Act 9994 o mas naila nga “Expanded Senior Citizens Act of 2010” human ang Energy Regulatory Commission (ERC) niisyu sa Implementing Rules and Regulations niadtong Enero 5 nga maoy magsilbing tamdanan sa mga power distribution utilities sama sa VECO paghatag og diskwento ngadto sa mga senior citizens. SCG

Lakip sa mga rekisitos aron makapahimos sa maong diskwento mao nga kinahanglan nakapangan sa senior citizen sod sa usa ka tuig ang metro nga gigamit sa panimay niini, kinahanglan ang senior citizen nagpuyo sa maong pinuy-anan, kinahanglan dili mosobra sa 100 kilowatt hour ang monthly consumption ug ang diskwento kausa lang ihatag bisan og daghang mga senior citizens pa ang nagpuyo sa maong pinuy-anan.

Si Natera niingon nga moabot na sa 300 ka mga applications ang ilang nadawat alang sa maong katuyoan.

Alang sa gustong mopahimos niini mahimong mosumitir sa ilang aplikasyon sa VECO Talisay City Branch o sa SM City Cebu full service center.

Dad-on lang ang mosunod nga mga dokumento sama sa senior citizens ID, proof of billing ug proof of residence.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph