50 magpakita aksyon sa 1st Mayor Rellon Karate

MOABOT sa 50 ang gilauman nga magpakitang gilas sa 1st Mayor Allan Rellon Gan Soo Do Open Blackbelt Full Contact Karate Championships karong adlawa didto sa Rotary Gym, Tagum City.

Kini ang pahayag ni Gan Soo Do Philippines president Steve "The Red Knight" Grandeza, kauban si women's fighter Josh Deligero atol sa Davao Sportswriters Association (DSA) Forum didto sa NCCC Mall Davao Food Cove Function Hall niadtong Huwebes.

Sumala ni Multi-titled martial arts expert Grandeza ang Gan Soo Do Full Contact Style tournament abli alang sa tanan klase fighter styles, "It's been a while that we've seen a full contact competition so we partnered with the local government of Tagum for this event."

Ang mga partisipante naggikan sa Tagum, Panabo, Davao ug Iligan City nga magkontra sa welterweight, bantanweight, flyweight, featherweight, lightweight ug heavyweight.

Sa bahin ni Deligero, naghinam-hinam na siya sa iyang unang full contact nga apilan, "I'm very excited and 99% ready for the tournament. Since it's my first time to join a full contact competition, I'm expecting it will be bloody but challenging for my part."

Si Deligero makigtakus sa kategoryang 136 lbs.

Dugang ni Grandeza nga dunay medical assistance nga ipadala ang lokalnga gobyerno sa Tagum nga magbantay sa tibuok adlaw sa kompetisyon.

Tropeyo ug medalya ang ihatag sa mga modaug sa matag dibisyon. (Marizz S. Robilla)

Related Stories

No stories found.
SunStar Publishing Inc.
www.sunstar.com.ph