50,000 nagparehistro sa Cebu chessfest

MIBUROT ngadto sa kapin sa 50,000 ang mga nakarehistro alang sa “Cebu Chess Festival: World’s Largest Chess Tournament,” usa ka torneyo nga magpatik na sab sa Sugbo sa Guinness World Record.

Gilaumang madugangan pa gyud kining maong gidaghanon gumikan kay giinat ang deadline sa pagparehistro hangtod karong Enero 19.

Ning maong gidaghanon, dul-an lang sa 4,000 ka mga magduduwa ang makaabante sa Grand Finals nga ipahigayon karong Enero 21 sa Cebu City Sports Center Grand Stand ug karong Enero 22 sa Cebu City Sports Center Gym.

Ang kasamtangang rekord gigunitan sa Krasnoyarsk, Russia nga aduna ra’y 1,214 ka mga partisipante. Nagkanayon si Cebu City Sports Commission (CCSC) chairman Edward Hayco nga sa orihinal nilang plano, 1,500 ra ka mga partisipante ang ilang intesyon ug wala sila magdahom nga moabot ning maong gidaghanon.

“We first targeted only 1,500 participants. We didn’t realize the number would balloon up to more than 50,000 after we launched an aggressive grassroots program that took three months of extensive chess workshops in over 150 public schools,” asoy ni Hayco.

Lakip sa mga adunay labing daghang mga representante mao ang Apas National High School (1,594), Barrio Luz ES (1,369), Don Carlos Gothong Memorial School (2,289) ug Abellana NS (3,432).

Gipasabot ni Hayco nga gawas sa rekord, ang usa sa katuyoan ning maong programa mao ang pag-promote sa siyudad sa Sugbo sa tibuok kalibutan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph