54 anyos nakuryente

DILI malihok sa usa ka lalaki ang iyang lawas human nakuryente niadtong Domingo mga alas 6:00 sa hapon sa Bulua ning siyudad sa Cagayan de Oro.

Giila ang biktima nga mao si Alfredo Sinario, 54, minyo, residente sa susamang dapit.

Ang asawa sa biktima nga mao si Adela, 45, nisaysay nga wala niini nabantayan nga basa ang outlet hinungdan nga dihang gipansak niini ang koneksyon sa telibisyon kalit lang kining mikirig ug taod-taod usab nga wala kini mabira dihang nag-inusara lamang kini sa puloy-anan niadtong tungora.

Nahibaw-an nga nangmerkado si Adela niadtong tungora ug nananghid nga molakaw ang duha ka mga anak niini.

Maayo na lamang mibalik ang usa ka anak sa biktima kay adunay nalimtan dihang nakita ang amahan nga nagbuy-od ug nangayo sa tabang.

Nanghawoy ang tibuok parte sa lawas ang gibati sa biktima niadtong tungora ug ning panahona daw dili na niini malihok ang lawas. Gituohang nagrabehan pag-ayo ang pagkakuryente niini.

Gidala ang biktima sa Polymedic Medical Plaza apan gibalhin sa pamilya sa Northern Mindanao Medical Center (NMMC) kinsa padayon pang giatiman sa mga doktor. (Stephanie V. Berganio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph