62 anyos hubog nagpabuto, gisikop

USA ka 62 anyos nga lalaki ang nanghulga ug nagpabuto sa iyang armas didto sa Lower Rapnaga, Mc Arthur Highway, Bago Gallera, Talomo District, syudad sa Davao.

Ang insidente nahitabo alas 5:30 sa kadlawon kagahapon nga miresulta sa pagkasikop ni Francisco Lim Echavez, minyo ug nagpuyo sa nahisgutang lugar.

Sa spot report sa Talomo Police Station, nasayran nga ang maong suspek nagpabuto sa iyang wala matino nga kalibre sa pistola makaduha ka higayon tungod sa kahubog.

Gikataho nga gitionan ni Echavez ang iyang boarder nga si Beverly dela Cruz, 19, dalaga ug cashier sa DRB White House Grill.

Nasuko ang suspek ngadto sa biktima tungod kay nagduda siya nga gikuha sa dalaga ang iyang pitaka.

Wala pa makontento ang suspek, gidala niya si dela Cruz sa gitrabahoan nga establisemento ug didto nanghasi na sab siya.

Gipangguba sa suspek ang mga mahalong butang nga nagkantidad og P10,000.

Si Echavez nagpabuto sa iyang armas paingon sa yuta apan mibanda ang bala mao nga naigo ang Toyota Hi-ace nga dunay plate number SHY-139.

Daling miabot ang kapulisan sa maong lugar hinungdan nga giaresto ang supsek.

Giandam dayon ang pagpasaka og kasong Grave Threat, Alarm and Scandal ug Malicious Mischief batok kaniya. (Blue Cordero)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph