63-anyos gidunggab sa pag-umangkon

GIUNAY og dunggab sa iyang duha ka mga pag-umangkon ang 63-anyos nga lalaki hinungdan sa pagkahidangat niini sa tambalanan.

Nahitabo ang pagpanunggab pasado alas 11 sa gabii niadtong Sabado sa may Sityo Chuchan, Barangay Gun-ob, dakbayan sa Lapu-lapu samtang ang biktima giila nga si Marcelo Sansub, 63 anyos, minyo ug usa ka traysikol driver.

Giingon mga midunggab kaniya mao sila si Allan Inot, 29 anyos, ulitawo ug ang manghod niini nga si Jun-Jun Inot.

Matod pa, ang uyoan ug iyang mga pag-umangkon adunay dugay nang personal nga panag-away.

Atol sa hitabo gikuptan sa manghod ang kamot sa uyoan hinungdan nga wala na makalihok ug nadunggaban gayod sa maguwang ang bukton niini.

Ang biktima daling gidala sa tambalanan samtang ang managsuong daling nisibat ug padayon pa karong gipangita sa kapulisan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph