7 ka sagunson

GIUSBAN pagpukan sa University of San Carlos (USC) Warriors ang defending champions University of the Visayas (UV) Green Lancers, 69-66, aron inaton ang ilang sunodsunod nga kadaugan ngadto sa pito sa Cebu Schools Athletic Foundation Inc. (CESAFI) college division niadtong Lunes sa Cebu Coliseum.

Sa premirong duwa, gipangmakmak sa Warriors ni coach Junthy Valenzuela ang Green Lancers ni coach Donbel Belano, 83-74, niadtong Agusto 9.

Human sila nabunyagan og kontrobersyal nga 67-69 nga kapildihan batok sa Southwestern University (SWU) Cobras niadtong Agusto 3, namungot na ang Warriors sa tanang nagsunod nilang mga kontra.

Ang nagkabangis nga Cameeronian import sa Warriors nga si Shooster Olago maoy nangulo sa kadaugan pinaagi sa iyang 20 puntos ug 16 rebounds samtang nidugang og 11 puntos si Charles Pepito.

Ang Warriors kanunayng naggukod sa 2nd half apan nagpakalig-on kini sa hinapos nga bahin aron hipuson ang kadaugan.

Ang Green Lancers nahagbong sa 4-5 nga rekord.

Gipangulohan ni import Jeffakins Aguara ang Green Lancers pinaagi sa iyang 15 puntos, nitampo og 13 puntos si Francisco Arong samtang nitunol og 12 puntos si Raffy Octobre.

Puntos matag usa

USC (69) - Olago 20, Pepito 11, Tagapan 10, Rabat 8, Laude 6, Toyambi 5, Bensig 4, Asuncion 2, Laguyo 2

UV (66) - Aguara 15, Arong 13, Octobre 12, Abad 9, Manzo 6, Soliva 5, Santillan 3, Segumpan 2. Quarterscores: 15-15; 24-29; 45-39; 69-66.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph