7 magpapili pagka-gobernador sa Armm

MOABOT na sa 16 ka mga kandidato ang miduso sa ilang Certificate of Candidacy alang sa gitakdang piniliay sa Autonomous Region in Muslim Mindanao (Armm) sa Agosto 8, 2011.

Gibutyag ni Commission on Election-Armm Regional Director lawyer Rey Sumalipao nga siyam sa mga kandidato midagan pagka-bise gobernador, apil na ang iyaan ni Pangulong Benigno Aquino III nga si kanhi Tarlac Governor Margarita "Tingting" Cojuangco samtang pito sa pagka-gobernador.

Gidugang ni Sumalipao nga posibling madugangan pa ang ihap sa mga kandidato sa mosunod nga mga adlaw.

Apil sa mga magpapili pagka-gobernador mao sila Armm incumbent Governor Anzarrudin Adiong, kanhi Lanao del Sur Governor Basser Manalao, incumbent Lanao del Sur 2nd District Congressman Pangalian Balindong, Sultan Kudarat Congressman Fax Mangudadatu, Alvares Isnaji, Shariffa Bago ug Elsie Orejudos.

Samtang gitin-aw sab ni Sumalipao nga andam na ang mga

Precinct Count Optical Scan (Pcos) machines nga gamiton alang sa automated election. (Edgardo Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph