9 anyos gisuwayan og lugos sa lolo sa klasmeyt

NILANDING sa balay tambalanan ang usa ka 9 anyos human giingong gisuwayan og lugos niadtong Biyernes mga alas 2:15 sa hapon sa Nazareth ning siyudad sa Cagayan de Oro.

Giila ang biktima nga mao si Loren (tinuod nga ngalan gipugngan), 9, taga 23rd Nazareth ning siyudad, kinsa nilanding sa Northern Mindanao Medical Center human gitambagan sa kapolisan nga mohimo og medical check-up.

Ang inahan sa biktima nisaysay nga basi sa asoy usab sa iyang anak nga dili motingog human sa insidente giingon niini nga gikan pa siya sa tunghaan niadtong tungora ug paingon na nga mogawas sa iyang klase dihang giatangan sa lolo sa iyang klasmeyt nga kanunay na niyang makita kay usahay kini man nag motabo sa apo niini.

Gipuyok ang biktima sa maong lolo ug giaghat nga pa-isnakon sa usa ka bakery sa maong dapit.

Sa pagtuong maayo ang intensyon sa maong lolo misugot usab ang biktima ug uban nga miadto sa bakery.

Human nikaon ang biktima og pan ug gipainom pa og softdrinks natingala na lamang ang biktima dihang magsige og panghikap sa iyang pribado nga parte sa lawas ang maong lolo ug wala pa nakuntento gihalokan pa ang ngabil sa biktima.

Tungod niini nidumili ang biktima ug nisyagit hinungdan nga nakuha ang ilang atensyon. Giingon nga nangayo og pasaylo ang maong lolo ug miingon nga mahusay ra ang problema. Saktong pagawas sa biktima sa bakery dali kining miuli sa ilang puloy-anan ug miasoy sa hitabo ngadto sa iyang inahan.

Nagpatabang ang inahan sa Police Station 2 (PS2) sa Cogon ug gitambagan sa mga polis nga ipahigayon og medical check-up ang biktima.

Ang kapolisan padayon pa usab sa paghimo og imbestigasyon aron makuha ang pangalan sa maong suspek. (SVB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph