Alcover mihagit sa kongreso

GIHAGIT ni Representative Pastro Alcover Jr. ang liderato sa House of Representatives nga ipadayon ang hulga niini sa pagpalagpot kaniya isip miyembro sa Congress.

Kini maoy iyang gipabuhagay atol privilege speech sa kongreso human sila si Majority Floor Leader Neptali Gonzales, Rep. Ben Evardone (Eastern Samar), Rep. Roger Espina (Biliran), Rep. Rene Relampagos (Bohol) ug Rep. Cesar Sarmiento (Catanduanes) wa motinuod sa ilang gipamahayag sa media nga ipaimbestiga siya sa ethics committee.

Matod ni Alcover nga klaro ug tataw kaayo sa iyang privilege speech nga wa gyud siya moakusa sa 188 ka mga kongresista nga mipirma sa pagpa-impeach ni Supreme Court Chief Justice Renato Corona nakadawat og tag P1 million gikan ni President Benigno Aquino III.

“Do we have Robo-Reps among us? Robo-reps are those who are easily smothered by any taste or smell or power and grandeur,” nagkanayon si Alcover.

Saysay ni Alcober nga samtang sila si Gonzales ug Evardone ang kusog magpagamit sa administrasyon aron mapalagpot ang kadto mga misupak sa impeachment, sila ra usab ang mga suod ni kanhi Presidente Glorial Macapagal-Arroyo sa dihang mao pa kini ang namuno-an.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph