Alumni batok Green Lancers

ISIP tipik sa ilang preparasyon alang sa 2014 Cebu Schools Athletic Foundation Inc. (CESAFI), ang defending champions University of the Visayas (UV) Green Lancers makigparang sa mga kanhi sakop sa team karong hapon sa UV gym.

Ang mga kanhi sakop sa Green Lancers pangulohan sa duha ka mga kanhi magduduwa sa Philippine Basketball Association (PBA) nga sila si Bruce Dacia ug Stephen Padilla.

Ikauban nila sila si Harold Cincoflores, Edrian Lao, Phil Mercader, Jojo Maglasang, Rino Berami, Michael Luga, Mark Ababon, Ronaldo Bucao, Jesse Binonggo, Reed Juntilla, Rene Saycon, Jerome Silva ug Eman Calo.

Kini nga kombati usa ka malisod nga pagsuway alang sa kasamtangang sakop sa Green Lancers tungod kay pulos pa kondisyon ang ilang mga ikakontra.

Ang kasamtangang mga sakop sa Green Lancers ni coach Donbel Belano mao sila si John Abad, Francisco Arong, Alfred Codilla, Miko Marquez, Raffy Octobre, Chris Perolino, Leonard Santillan, Alwin Aguirre, June Kent Manzo, Jerome Napao, Alvin Oche, Josue Segumpan, Jan Soliva ug ang ilang African imports nga sila si Jean-Marie Mpouma sa Cameroon ug Jeffakins Aguara sa Nigeria.

Si Belano, kinsa kanhi magduduwa sa PBA, mopakita og aksyon sa preliminary game nga sugdan sa alas 2:30 sa hapon.

Si Belano makig-uban sa iyang coaching staff nga naglakip nila ni Gary Cortes, Van Halen Parmis, Bong Pineda ug Jonathan Belano lakip na si team manager Rep. Sam-Sam Gullas aron makigkontra og mga magduduwa sa intramurals.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph