Ampatuan gipusil, patay

COTABATO CITY -- Patay ang apo ni kanhi Maguindanao governor Datu Andal Ampatuan Sr. human gipusil alas 7:00 sa gabii niadtong Sabado.

Giila ang biktima nga mao si Norton Ampatuan, anak ni Sharief Aguak mayoralty candidate Datu Sarip Ampatuan.

Nasamdan sab ang iyang kauban nga si Johail Unting nga ig-agaw sa napatay.

Sa taho ni Ampatuan Municipal Police Station commander Inspector Zulkarnain Qunakon ngadto kang Maguindanao Provincial Police Director Jaime Pido nga nahitabo ang insidente dihang pagawas na ang mga biktima sa usa ka karaoke house sa Barangay Kauran, Ampatuan.

Nasayran nga kalit lang gipusil ang biktima sa duha ka wala mailhing tawo gamit ang kalibre .45 nga pistola.

Abtik sab nga misibat ang mga mamumuno sakay sa usa ka XRM nga motorsiklo nga walay plaka paingon sa Esperanza, Sultan Kudarat.

Mga biktima daling gidala sa mga pulis sa Maguindanao Provincial Hospital apan gideklara si Ampatuan nga dead on arrival gumikan sa grabeng samad sa dughan.

Ang kauban niyang si Unting nga naigo sa iyang tiyan ug paa padayon pang giatiman sa mga doktor.

Duha ka anggulo karon ang giimbestigahan sa kapulisan, una mao ang personal nga atraso ug ikaduha, rido sa mga kaaway sa ilang pamilya. (SuperBalita Davao)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph