Anak sa kapitan gipatay

GIDEKLARANG dead on the spot ang anak sa kapitan human gitabangan og pusil sa mga mamumuno nga nakasakay sa duha ka motorsiklo.

Nahitabo ang insidente alas 5:30 kagahapon sa buntag, Biyernes, didto sa Purok San Roque, Gotamco, Barangay Leon Garcia, Agdao District.

Ang biktima mao si Reynante Yuste Cagay, 47, minyo, self-employed, nagpuyo sa nasampit nga dapit kinsa anak sa kasamtangang kapitan Rolando "Boy Ponsa" Cagay sa Barangay Leon Garcia, Agdao District.

Subay sa blotter nga natala sa Sta. Ana Police Station, anaa lamang gawas sa tindahan ni Vicente Villamera ang biktima dihang usa ka motorsiklo nga walay plaka ang midikit dayon gipusil ang biktima sa angkas niini.

Nakadagan pa ang biktima apan gisundan kini sa usa pa ka motorsiklo kinsa duna say angkas ug gipusil ang biktima makadaghang higayon tumong sa likod ug kamot.

Gihulagway sa mga nakakita sa krimen ang mga suspek kinsa anaa sa 20-anyos hangtud 30-anyos ang pangedaron, niwangon ang lawas ug kasarangay gitas-on.

Nakuha sa crime scene ang unom ka basiyo sa .45 nga pistola ug ang kuwarta sa biktima nga mokabat P20-mil.

Wa pa masayran sa kapulisan unsay motibo sa pagpatay sa biktima samtang ang patay nga lawas niini gidala na sa punerarya. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph