Anti-bullying act ipatuman

KALIPAY ni Konsehal Ramon Tabor nga nahimong balaod ang anti-bullying diin gipirmahan bag-o lang ni Presidente Benigno Aquino III ang Republic Act 10627 kon Anti-Bullying Act of 2013.

Ang maong balaod nagmando sa mga pribado ug publikong tunghaan sa elementary ug high school nga hatagan og pagtagad ang mga tinun-an nga biktima sa pagpang-bully ilabina diha mismo sulod sa tunghaan.

Sa wala pa kini nahimong balaod una na si Tabor nga nangulo sa Ordinance No. 12581-2013 sa siyudad sa Cagayan de Oro batok sa anti-bullying diin pagdili sa pag-bully sa mga tinun-an.

Nakalatid sa ordinansa nga ang bullying sulod sa tunghaan dili lamang makaapekto sa pisikal ug pisikolohikal apan mohatag kini og lama sa emosyonal nga aspeto nga makaapekto sab sa pagtuon sa tinun-an.

Kini sab nga balaod makatabang sa mga ginikanan nga aduna silay peace of mind ilabina kung anaa sa tunghaan ilang mga anak.

“We should help our schools inform their students of the existence of this anti-bullying law. It is our pride that as the principal author of our very own ordinance, it is now a national law and we passed it first here in our city,” pasabot ni Tabor.

Daghan sa mga ginikanan ang nalipay sa maong balaod tungod kay ilang giingon nga halos kasagaran nga mga batan-on karon kusog kaayo mag-bully ilabina kung adunay makita nga sayop o sawayunon sa ilang classmate.

Daw ang mga bata nga susama niini kinahanglan gyud nga pitulon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph