Arum: Lalisunon pa!

GIKUWESTIYON ni Top Rank Promoter Bob Arum ang kontrobersiyal nga resulta sa away ni 8-division world champion Manny Pacquiao ug American undefeated boxer Timothy Bradley.

Sayo niini, gikakurat sa tanan human gideklara sa ring announcer nga si Michael Buffer nga nasungkit ni Bradley ang WBO welterweight crown ni Pacquiao, via split decision.

Base sa score cards duha ka hurado ang mihatag og 115-113 nga iskor pabor sa American boxer.

Apan, kung basahean ang resulta sa CompuBox, mas daghan og gipalupad nga kinumo si Pacquiao nga miigo kang Bradly diin mitala kini og 253 total punches landed kung itandi sa 159 nga record ni Bradley.

Mas daghan say ring power punches ang Filipino ring icon nga 190 kung ikumpara sa 108 ni Bradley.

"We'll make a lot of money on the rematch, but this is (expletive) nuts. People don't even know what they're watching. They're trying to kill boxing," ni Arum.

Bisan si Harold Lederman sa HBO Sports nakurat sab sa resulta sa away tungod sa iyang kaugalingon scoring, "overwhelming" ug midaug si Pacquiao.

Samtang gipahayag sa trainer ni Bradley nga si Joel Diaz, nga second round pa lang sa away nakahiagom og injury sa tiil si Bradley.

Matud pa hapit kini mosurender sa away apan nagpursige lang si Bradley nga ipadayon kini.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph