Aspera hulipan na

NATAPOS na ang termino karon ni Davao City Police Office (DCPO) director Senior Superintendent Rene O. Aspera, apan wa pay napilian kon kinsa ang ihulip kaniya.

Kini ang gipahibalo ni Police Senior Inspector Gretchin Cinco, assistant spokesperson sa Police Regional Office (PRO) 11.

Si Cinco nga nahinabi sa telepono kagahapon nagbutyag nga bakante na ang pwesto ni Aspera, apan magpabilin pa siya hangtud di pa himuon ang change of command sa DCPO.

Siya nagkanayon nga duna silay pangalan nga gisumite sa Camp Crame nga maoy mohulip ni Aspera.

Sila mao si Police Sr. Supt. Ronald dela Rosa, hepe sa regional logistics; Police Sr. Supt. Aaron Aquino, hepe sa regional operation and plans division; ug Police Sr. Supt. Respito Gatera, hepe sa support service group sa PRO 11.

Gawas kanila, duna pay laing pangalan nga gisumite si Davao City Mayor Sara Duterte nga maoy iyang hatagan sa pagsalig nga maoy modumala sa DCPO.

Subay sa proseso, ang direktor sa kapulisan magsilbi lamang sud sa duha ka tuig, ug pagkahuman ibalhin siya sa laing lugar.

Wa pay giluwatan nga pahayag si Aspera kon asa siya madestino human siya nangalagad isip direktor sa DCPO. (Ivy C. Tejano)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph