Babaye `gikulata, gipusil’ sa iyang uyab nga pulis

ARTISTANG babaye sa lokal nga telebisyon nipasangil nga siya gipusil ug gikulata sa iyang uyab nga pulis tungod sa wa niya pagtubag sa mga tawag niini sa cellphone sa miaging gabii.

Nisamot ang kalagot sa pulis nga gawas nga gisigehag putol ang iyang tawag, duna man tuoy nakatubag, lalake na kini nga nagkatawa.

Tungod sa insidente, wa na makapugong si PO2 Aaron Pescadero, 35, ulitawo, nadistino sa Cebu City Police Office (CCPO), giatangan ang uyab nga si Angeline Sebuso, 26, taga T. Padilla, pasado alas 11 sa miaging gabii sa eskina M.J. Cuenco Avenue, Barangay Tinago.

Matod ni SPO4 Sanreco Jolejole sa Waterfront police nga sa wa pa ang hitabo, gitawagan ni Pescadero si Sebuso, apan nagsigi lang og ring ang cell phone ug gisigihan sad og putol ang iyang tawag.

Wa pul-i ang pulis sa siging tawag hangtod nga gitubag kini og tingog sa usa ka lalake ug nagsigi kini og katawa.

Tungod sa insidente, naburong si Pescadero, giatngan si Sebuco sa nahisgutan nga pulis sakay sa motorsiklo.

Si Sebuco, matod sa alegasyon niini, luwan sa usa ka sakyanan nga gipanag-iya ni Pescadero, gibabagan ang sakyanan ug dayon siya gipusil, apan maayo na lang kay wa maigo.

Matod pa sa biktima nga gipugos sa pag-abli ang sakyanan, gibunlot ang iyang buhok ug gibira siya gawas sa sakyanan ug didto gikulata.

Dugang pa sa biktima nga gibunalan pa ang iyang ulo sa gidala nga helmet ni Pescadero.

Daghan ang nakakita nga mga tawo nga daling nitawag sa mobile patrol division, hangtod nga naabtan si Pescadero ug gidakop.

Sulod sa prisento, ang biktima miingon nga di niya uyab ang nitubag sa cellphone sa pagtawag ni Pescadero kon di iyang igsuon nga lalake.

Siya niingon nga gikan pa siya sa ilang balay sa T. Padilla ug paingon na unta sa balay sa iyang uyab nga si Pescadero sa Barangay Tinago ug nag-abot sila sa pulis sa nahisgutan nga lugar.

Sa pagsuwat ning taho, si Pescadero gibilanggo.

Hinuon matod sa mga taho nga di interesado ang uyab nga mokiha sa pulis.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph