Babaye sikop sa buy-bust operation

NASIKOP sa kapolisan sa Alubijid Police Station ang usa ka babaye nga giingong tigpayuhot sa ginadili nga druga niadtong Huwebes pinaagi sa buy-bust operation sa Purok 4, Barangay Lanao, Alubijid, Misamis Oriental.

Ang suspetsado naila nga mao si Maelene Canoy, 37, ug lumulupyo sa Purok 3, Barangay Lanao Alubijid, Misamis Oriental.

Matud pa ni PO3 Mark Bales sa Municipal Police Station sa Alubijid nga pinaagi sa buy-bust operation malampuson nila nga nasikop kining maong suspetsado diin anaa usab sa ilang listahan.

Matud pa nga gitutukan pa nila ang pag-imbestiga kon asa gikan kon nakuha sa maong suspetsado ang maong mga ginadili nga druga.

Nakuha gikan sa maong suspetsado ang unom ka pakete sa gituohang shabu, usa ka cellphone ug mga drug paraphernalia.

Ang maong suspetsado ang detinado na sa Police Station sa Alubijid samtang gihan-ay pa ang kaso batok kaniya.

Samtang nasikop usab sa Police Station 10 sa Cugman ang duha ka mga suspetsado nga gituohan usab nga tigpayuhot sa ginadili nga druga niadtong Huwebes sa gabii sa Tablon ning siyudad.

Ang mga suspetsado naila nga sila si Ronald Chuico ug Roland Balabagan nga pulos taga Purok 3, Tablon ning siyudad.

Malampuson nga nasikop usab sa gipahigayong operasiyon sa mga operatiba sa kapolisan sa PS10 ug gitakdang ipasaka na ang kasong Republic Act 9165 kon illegal position of dangerous drugs batok kanila sa umaabot nga adlaw nga Lunes.

Ang duha ka mga suspetsado ang kasamtangang nagtingkagol na sa PS10 alang sa pag-atubang sa kasong ipahamtang batok kanila nga gihan-ay pa sa kapolisan sa maong dapit.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph