Bag-ong garbage truck gikan sa Japan

SA di madugay makaangkon nag garbage compactor truck ang Cebu City Go­vernment gikan sa Yokohama, Japan.

Kini human nitugot ang Cebu City Council sa pagpagawas sa kapin P8 mil­yones nga maoy gastuhon aron mabiyahe na ang 10 ka trak nga alang sa basura.

Ang kantidad maoy ibayad alang sa pagpadala sa mga sakyanan gikan sa Japan nga naangkon sa City Hall human sa pagbisita ni Mayor Michael Rama sa Yokohama nga sister city sa dakbayan sa Sugbo.

Sa kinatibuk-an, moabot na ngadto sa dul-an 50 ka mga garbage truck kon moabot na ang 10 ka mga garbage compactor truck ang hinatag sa local go­vernment unit sa Japan.

Karong tuiga, ang Cebu City Govern­ment nakaangkon og kapin sa 30 ka brand new nga garbage dump truck isip pagpalapad sa koleksyon sa basura ubos sa pagdumala ni Engr. Dionesio Gualiza nga maoy nangulo sa Department of Public Service (DPS).

Una nang gibutyag sa hepe sa DPS nga dako og ikatabang ang pag-abot sa bag-ong mga ekipo sanglit dili na sila maproblema pagpangitag sakyanan nga maoy mohakot sa basura.

Midugang si Gualiza nga mamahimo usab nga makahangyo ang mga barangay sa dakbayan kansang mga garbage truck dimakadagan aron di maparalisar ang operasyon sa barangay.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph