Baha: isyu sa sunod eleksyon

KUNG magsugod sa campaign period usa ra ka isyu ang gusto nakong paminawon nga tukion sa mga kandidato sa Metro Cebu -- ang bahin sa baha.

Gusto kong maminaw sa kandidato unsay iyang mga sugyot, rekomendasyon og solusyon sa nagkagrabe nga problema sa baha dinhi. Di tinuod sayon kining maong problema. Kay mismo ang atong mga politiko, nagproblema sab sa baha.

Bisan ingnon nato wa siya ning maong problema sa ilang subdivision nga gi­puy-an, pero ang dapit diin siya nag-opisina o ang karsada nga iyang subayon matag adlaw kanunayng molutaw sa baha.

Mao nga sa panahon sa kampanya, unta dili mapa- cute-cute lang iyang buhaton sama sa sa pagkanta ug sayaw unya landslide na dayon ang resulta sa iniphanay sa botos.

Busa, kitang mga botante angay nga maniid og maayo kong ang kandidato dunay pagbati sa isyu sa baha, makamaong maminaw sa maong problema og labaw sa tanan makamaong moaksyon. Di kay unya’g tungtong sa puwesto, modayon lang og ingon nga dili man na

akong komitiba o di man ko expert sa baha.

Kung mao ni ang iyang baruganan sa isyu ayaw botari kay wa ta magkinahanglan og lider ngasa baha way hunahuna.

Sa kampanya puhon, kita na mismo ang mangutana sa mga klandidato kong unsay ilanbg programa batok sa baha.

MAHIGA

Dunay nagsulti nako nga ang Engineering Department sa Cebu City Hall nangita karon og bomba nga ilang gamiton pagpasuyop sa tubig nga ipundo pinaagi sa reservoir nga ilang tukoron sa Mahiga Creek.

Sa akong sabot ang desinyo ipundo ang tubig nga mosulod sa Mahiga unya butangan og gate way kalainan sa dam. Sirhan ang gate kong dunay kusog nga ulan. Sa mga adlaw nga init abrihan. Pananglit kusog angulan sirhan ang gate unya ang bul-og sa tubig ideretso sa reservoir. Gikan sa reservoir ibugwak ang tubig ginamit ang pump padulong sa dagat. Kini nga paagi maoy mopugong nga dili moawas ang Mahiga Creek nga maoy nakapwerhisyo sa mga lumolupyo sa kilid og nakabanaw sa tubig sa sikbit nga mga dapit nga di halayo sa maong sapa.

Nangutana ko og mga eksperto labot ning maong proyekto. Ang ilang pulong di ni bag-o og gani napamatud-an nga kini epektibo didto sa ubang kanasuran. Ang problema nga ilang nakit-an, mao ang sitwasyon sa dagat sa panahon nga gikina­hanglan na gyud nga ibugwak ang tubig gikan sa reservoir pinaagi sa pump. Wa bay kahigayonana nga mobalik ra sab ang tubog sa Mahiga Creek kay ang water level sa dagat tupong ra sab sa baba sa creek.

Kadtong ilang giingon nga nigrabe ang baha kay naatol nga taub sa pagbunok sa kusog nga an. di bakaha makapugong sa pagbugwak sa tubig. Hinuon plano pa lang ni apan mas nindot nga sulayan apan makuting pagtuon angangay nga himuon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph