Barrita: Bag-ong balaod sa sayop sa birth certificate

LAING balaod nagtugot na karon sa mga local civil registrar sa pag-usab sa sayop nga petsa ug sex nga natala sa birth certificate sa usa ka tawo.

Mao kini ang Republic Act No. 10172, “An Act Further Authorizing the City or Municipal Civil Registrar or the Consul General to Correct Clerical or Typographical Errors in the Day and Month in the Date of Birth or Sex of a Person Appearing in the Civil Register Without Need of a Judicial Order Amending for this Purpose Republic Act Numbered 9048.”

Kining maong balaod nag-amendar sa Republic Act No. 9048, ilabi na sa Section 1 nga nagtugot sa hingtungdan nga city o municipal civil registrar or consul general sa pag-usab ug pagkorehir, bisan way mando sa hukmanan, sa mga clerical o typographical error ug pag-usab sa ngan, angga, adlaw ug buwan sa pagkatawo o sex sa usa ka tawo kon klaro kaayo nga dunay clerical o typographical error.

Sa una, ang mausab mao lang ang clerical o typographical error. Sa RA 10172, ang municipal o city civil registrar makausabg na sa petsa, buwan ug tuig sa pagkatawo ingon man sa sex sa usa ka tawo nga di na moagi sa korte.

Ang clerical o typographical error gi-define sa RA 10172 ning maong paagi, a “clerical or typographical error” refers to a mistake committed in the performance of clerical work in writing, copying, transcribing or typing an entry in the civil register that is harmless and innocuous, such as misspelled name or misspelled place of birth, mistake in the entry of day and month in the date of birth or the sex of the person or the like, which is visible to the eyes or obvious to the understanding, and can be corrected or changed only by reference to other existing record or records: Provided, however, That no correction must involve the change of nationality, age, or status of the petitioner.”

Ang maong balaod nag-ingon nga ang petisyon sa pagkorehir sa usa ka clerical o typographical error kinahanglan nga ibutang sa usa ka notaryadong affidavit o pinanumpaang pamahayag. Ibutang sa maong affidavit ang unsay nasayop nga himuong sakto.

Lakipan ang petisyon sa certified true machine copy sa birth  certificate o sa pahina sa registry book nga gipetisyonan nga usbon o korehian; labing menos duha ka public o private nga dokumento nga nagpakita sa sakto nga nga, petsa, buwan ug tuig sa pagkatawo ug sex ug ubang pang mga dokumento nga gikinahanglan.

Mahitungod sa petsa sa pagkatawo ug sex, lakipan kini sa labing sayo nga school documents sama sa medical records, baptismal certificate ug uban pa. Bahin sa sex, kinahanglan nga dunay sertipikasyon sa doktor sa gobyerno nga nagsaysay nga ang maong tawo wa moagi og sex change o sex transplant.

Ang petisyon sa pag-usab sa clerical o typographical error sa ngan, angga, petsa, buwan ug tuig sa pagkatawo ingon man sex sa usa ka tawo kinahanglan nga ipublikar sa labing menos kausa sa usa ka semana sa duha ka managsunoid nga semana sa usa ka newspaper of general circulation.

(Ang atong paghisgut-hisgot mahitungod sa balaud madungog na matag karon ug unya sa mga tampo nga dunay punto legal ngadto sa tulomanon nga “Alang Kanimo Kapuso” nga gisibya  gikan sa ala-una ngadto sa alas dos sa hapon sa sibyaan DYSS Superadyo sa RGMA network.)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph