ARON paghatag og kahigayonan alang sa kabatan-onan sa lungsod sa San Fernando, usa ka basketball training camp ang ipahigayon sugod karong Marso 16, adlawng Lunes diha sa barangay San Isidro covered court.
Kini pagadumalahon sa beterano ug kanhi usa sa mga nag-unang varsity ug commercial player sa Sugbo nga si Danny delos Santos.
Ang training camp gitumong alang sa kabatan-onan nga nagpangidaron og 7 ngadto sa 17 anyos diin tudloan sa basic training sa shooting, proper execution sa defense ug offense, drills ug labaw sa tanan ang pagdisiplina ug pag-develop sa attitude sa mga partisipante.
Ang registration fee nagkantidad og P900 ug libre na niini ang bola.
Uban ni delos Santos mao ang iyang assistant nga si Mar Ybanez ug alang sa dugang pakisayod mahimong motawag ug mo-text sa 0927 769 3371. (PR)