Basura ang hinungdan sa panunggab

LALAKI nga nasuko nga gibadlong sa pagpataka og labay sa basura, nanunggab sa iyang bayaw pasado alas 11 kagahapon sa buntag sa dalan Cabajar, Barangay Guadalupe, dakbayan sa Sugbo.

Ang suspek nadakpan ra dayon sa mi-responding kapolisan.

Ang biktima nga nadangat sa tambalanan giila sa kapulisan nga mao si Amabelle Buena, 40, minyo samtang ang suspek giilang mao si Rufo Buena,  40, way trabaho,  nagpuyo tupad ra sa iyang gipuy-an.

Matod ni PO2 John Eric Samosa sa Homicide Section sa Cebu City Police Office nagbutyag nga naglabay og basura ang suspek ug didto gibutang duol sa balay sa biktima.

Gisukmatan sa biktima ang suspek tungod sa iyang pagpataka og labay sa basura kay nakamugna og kabaho sa ilang balay.

Niresulta kini sa init nila nga panaglalis hangtud nga nilakaw ang suspek, nisulod sa iyang balay ug wa magdugay mibalik nga may dala nga kutsilyo ug gidunggab ang wa nga dughan sa biktima.

Bisan kon nasamdan, nakahimo pa ang biktima sa pag-report sa Station 9 sa Guadalupe Police ug mao nay nagdala kaniya sa tambalanan, samtang sila si PO1 Raymundo Amacna ug kauban ningresponde sa dapit nga nahitabo-an ug ningsikop sa suspek.

Ang suspek anaa na sa bilanggo-an ug hayan pasakaan og kaso sa biktima.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph