'Bet ng Bayan' mi-arangkada na!

BAG-ONG talent show na sab ang gipresenta sa GMA.

Ang reality-talent search nga 'Bet ng Bayan' moduaw sa matag rehiyon sa nasud aron mangita sa pinakamaayong indibidwal, with exceptional talent nga bitbiton sa Manila aron motigi.

Host sa programa ang Asia’s Songbird Regine Velasquez-Alcasid ug Kapuso prime leading man Alden Richards.

Ang Bet ng Bayan bukas sa tanang Pinoy singers, dancers, ugu uban pang novelty performers.

Ang nationwide auditions gisugdan sa SM City Cebu and SM City Bacolod sa nakalabay nga Hulyo 25 ngadto 26.

Ang kompetisyon may tulo ka kategoriya: Bet na Singer/s, Bet na Dancer/s, ug Bet na Kakaibang Talento (Novelty Act).

Ang singing competition nga "Bet na Singer/s" bukas sa non-professional and professional singers nga way recording contract, at least 15 years old, pwede indibwal o grupo nga may 2-5 ka miyembro.

Samtang sa dancing competition nga "Bet na Dancer/s" bukas kini sa non-professional ug professional dance groups nga may maximum sa 12 members nga at least 15 years old.

Ang ikatulong category, "Bet na Kakaibang Talento" open sab sa mga indibidwal o grupo nga may unom ka members nga may pinasahi nga talento o abilidad.

Mga interesadong aplikante, mag-andam sa duha ka minuto nilang performance, kopya sa birth certificate, picture, lakip na ID nga may address.

Sunod bulan, duawon ang pipila ka lugar sa Mindanao alang sa audition.

Karong Agosto 1 ug 2, didto sa SM City General Santos, sa Rizal Park, Iligan City sab karong Agosto 2 ug 3; samtang dungan ang audition nga himuon sa SM City Cagayan de Oro ug SM City Davao karong Agosto 9 ug 10.

Sa dugang katikaran labot latest update sa regional events, i-follow ang GMA Regional TV sa Twitter via www.twitter.com/GMARegionalTV ug sa Instagram via www.instagram.com/GMARegionalTV.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph