BI 7 legal officer ‘sikop sa entrapment sa NBI 7

GIDAKOP sa National Bureau of Investigation (NBI) 7 kagahapon ang usa ka abogado sa Bureau of Immigration (BI) 7 nunot sa giingong pagpangilkil og P25,000 ngadto sa usa ka American national bugti sa paglugway sa iyang visa.

Si NBI 7 Director Antonio Pagatpat namahayag nga ang hiniusang grupo gikan sa Criminal Investigation and Detection Group (CIDG) sa Manila ug NBI Central Visayas nisikop kang Serafin Abellaon, BI legal officer, pinaagi sa entrapment operation.

Gisikop si Abellon samtang anaa siya sa akto nga nidawat sa suborn gikan sa langyaw sud sa iyang buhatan sa Mandaue City kagahapon sa buntag.

u201cWe will file charges of robbery, extortion and violation of Republic Act 3019 or the Anti Graft and Corrupt Practices Act,” pahibawo ni Pagatpat sa mga tigbalita.

Gitago sa NBI 7 ang pangalan sa American natio­nal alang sa iyang seguridad.

Si Abellon gidala sa buhatan sa NBI 7 human siya gisikop samtang gihikay ang kaso nga ipasaka kaniya sa Office of the Ombudsman-Visayas.

Ang abogado molupyo sa St. Louis Village, Barangay Tabuc-Tabuc, dakbayan sa Dumaguete, wa mohatag og pamahayag sa sa mga tigbalita dihang nisaka ang iyang dugo samtang anaa kini suds a buhatan sa NBI.

Nisaysay si Pagatpat nga si Abellon nangayog P25,00 gikan sa langyaw aron malugwayan ang iyang visa sa pag-estar nganhi sa Sugbo.

Ang American national giingong nihatag og P10,000 ngadto kang Abellon isip pasiunang bayad unya ang kuwang niini maoy dawaton sa abogado sud sa iyang buhatan sa Mandaue City.

Gidestino si Abellon sa Mactan Cebu International Airport diin gikatakda na siya ng moretiro sa pag-alagad sa gobyerno sud sa usa o duha ka tuig, butyag sa pangulo sa NBI 7.

Ang langyaw, kinsa naminyo sa usa ka Filipina nagpuyo sa Sugbo, pipila na ka tuig wa na makighi­nabi sa mga tigbalita.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph