'Big time pusher' giposasan

MIDSAYAP, North Cotabato -- Nasikop na ang bigtime drug pusher sa kapulisan alas 12:15 sa udto niadtong Sabado. 

Ang suspek giila sa kapulisan nga si Abdullah Macarimbang, 49, minyo ug kanhi barangay kapitan sa Barangay Pinantao, Parang, Maguindanao.

Base sa taho gikan sa Cotabato Police Provincial Office (CPPO), nasikop ang suspek sa gihimong buybust operation sulod sa Redcap Restaurant sa Quezon Avenue, Barangay Poblacion 5, Midsayap. 

Si Macarimbang giposasan dayon dihang iyang gitunol ang shabu sa mga sakop sa Philippine Drug Enforcement Agency (PDEA) sa Autonomous Region in Muslim Mindanao (Armm). 

Mga ahente sa PDEA nagtakuban nga buyer og shabu dihang miduol sa suspek mao nga nasikop si Macarimbang. 

Nakuha gikan sa posisyon sa suspek ang 5.0 grams nga shabu nga mokantidad P35 mil pesos. 

Si PDEA-Armm Regional Director Colonel Edwen Layese nagsulti nga dugay na nilang gisundan ang lihok ni Macarimbang nga naglihuk sa siyudad sa Cotabato. 

Suma ni Layese nga nahimo sab nga supplier ang suspek sa Maguindanao, North Cotabato, mga siyudad sa Kidapawan, Digos ug Davao. 

Nagpasalamat si Layese sa kapulisan sa Midsayap nga mitabang kanila sa buybust operation. 

Gipasaka na ang kaso paglapas sa Republic Act 9165 kun Comprehensive Dangerous Drugs Act of 2002. (Edgardo Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph