Big time robbery group nia sa Sugbo?

MITABANG karon ang Cebu Provincial Police Office  pag-monitor sa giingong bigtime robbery group sa Mindanao nga matud pa nasigpatan sa Sugbo.

Migawas ang report niadtong milabayng sema­na human sa tulis sa dakung mall sa Cagayan de Oro city.

Ang pangulo sa Provincial Intelligence Branch (PIB) Supt. Rodolfo Albotra miingon nga ila nang gimandoan ang tanang hepe sa kalungsoran ug siyudad ubos sa ilang hurisdiksyon nga moabag sa pagbantay sa mga gituohang tulisan nga nia karon sa Sugbo.

Lakip sa ipa-monitor ang mga lodging house, pension houses ug mga beach resorts sa kalungsoran nga posibling gisak-an sa  banggiitang mga tulisan.

Posibling idungan ang ilang pagpanulis sa  dakong kalihukan karong Domingo diin ipahigayon ang Ironman 70.3 Triathlon.

Masaligon si Albotra nga mipahugot na usab sa ilang seguridad ang mga banko sa kalungsuran sanglit padayon ang ilang tigom sa matag semana.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph