NAGKANAYON si Bureau of Internal Revenue (BIR) commissioner Kim Jacinto-Henares nga wala siya’y kasayuran sa memes nga ningkatap sa internet diin nakita siya sa usa ka hulagway nga daw nakigsumbagay kang 8-time world champion Manny Pacquiao.
Human sa kadaugan ni Pacquiao batok kang Timothy Bradley sa ilang rematch niadtong Dominggo, ang netizens nalingaw na’g subay sa social networking sites kabahin ni Pacquiao.
Interbyu sa radio station DZBB, gipasabot ni Henares nga wala siya nakakita sa memes gumikan kay wala siya’y personal accounts sa Facebook o Twitter.
Nidugang ang kontrobersyal nga BIR chief nga daghan kaayo siyang gimbuhaton gumikan kay deadline na kagahapon sa pag-file og income tax returns.
Pagkahuman sa away nila ni Pacquiao ug Bradley, mihimo sab dayon og langas ang kabahin sa bayranan sa Pambansang Kamao sa tax.
Nagkanayon si Henares nga kinahanglan pang sulbaron ni Pacquiao ang iyang dakong bayranan sa tax.
