Bobcats sud sa playoffs

NAKASEGURO na’g luna sa playoffs ang Charlotte Bobcats human sa ilang overtime nga kadaugan batok sa host Cleveland Cavaliers, 96-94, kagahapon sa National Basketball Association (NBA).

Ikaduha pa lang kining higayon sa 10 ka mga tuig nga kasaysayan sa Bobcats nga nakasulod sila sa playoffs. Una silang nakaabante sa playoffs niadtong 2010.

Nimugna og 24 puntos lakip na niini ang pito sa overtime aron pangulohan ang kadaugan.

Sa kasamtangan, ang Bobcats naglingkod sa ikapitong dapit sa Eastern Conference.

“This is a significant accomplishment for our group of guys, and it puts us in a different place in the league,” asoy ni Bobcats coach Steve Clifford. “The guys in the locker room are excited - and they should be - because we’ve got a good group of guys and a group of guys who are truly deserving.”

Si All-Star pointguard Kyrie Irving nipa­katap og career-high nga 44 puntos apan nausik ra ang tanan niyang paningkamot tungod sa kapildihan, nga nakapatiglom sa poruhan sa Cavaliers nga makasulod sa playoffs.

Ang Cavaliers kasamtangang naa sa ika-10 nga dapit sa Eastern Conference bitbit ang 31-47 nga baraha. Walo lang ka teams sa Eastern Conference ug hasta sab Western Conference ang makaabante sa playoffs.

Nakapakita og dakong kalambuan ang Bobcats gikan niadtong lockout-shortened 2011-12 season diin igo lang silang nakamugna og 7-59 nga rekord.

“Words can’t describe it,” batbat ni Bobcats guard Kemba Walker. “For me, Gerald (Henderson), and Biz (Bismack Biyombo), we were the original guys here. We were on the worst team my first two years, so to go from there to here, it’s like night and day.”

Ang puntos ni Henderson sa nahabiling 1:08 minutos sa overtime maoy nakahatag sa Bobcats og 90-89 nga labaw. Nakapasulod og krusyal nga freethrows ang Bobcats human niini aron ilansang ang kadaugan.

Gipangulohan ni Walker ang kadaugan pinaagi sa iyang 20 puntos samtang nidugang og 15 puntos si Henderson.

“This means a lot, individually and as a team,” asoy ni Henderson. “I thought we would be good, but I think we’ve exceeded eve­rybody’s expectations - even our own.” (AP)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph