Boxing at the Corner sa Danao karong gabii

IPAHIGAYON karong gabii sugod sa alas 8:00 ang Boxing at the Corner sa Rizal st., Danao City.

Adunay 12 ka mga parisan nga magbinukbokay sa promosyon, nga gipasiugdahan nila ni Atty. Peter Jerome Hermoso ug Dr. Wilfredo Laguna. Tipik kini sa mga kalihukan sa piyesta sa maong siyudad.

Unang magsangka sila si Vicenter Seos-e Jr. sa Cabancalan Elementary School batok Ramel Casañares sa Banilad ES unya mosunod ang engkuwentro nila ni Bryan Remedio sa University of the Visayas batok Polid Banal sa Cabancalan ES.

Mag-away sab sila si Christian Bacolod sa Mabolo National High School batok Archie Montealto sa Consolacion, Ferde San Roque sa Cabancalan NHS batok Krisvie Abarquez sa Mandaue City, Jake Cataraja sa Mandaue batok Jojo Ouano sa Talamban.

Laing magbinukbokay mao sila si Reoxyl Tabogon sa Cabancalan NHS batok Jerome Baja sa Phil-Aust Boxing Club, Michael Romarate sa Mandaue batok Benjie Rosales sa Phil-Aust, Albert Pagara sa Mandaue batok Jhalel Payao sa Omega Boxing Club, Baselio Sultan sa Mandaue batok Junny Salogaol sa Omega.

Mokompleto sa mga parisan mao ang tali nila ni Christian Apawan sa Mandaue batok Melvin Besinga sa UV, Mark Bernaldez sa Mandaue batok Charlie Pukdol sa Omega ug Rhiyan Canillas sa Toledo City batok Rodel Wencislao sa Phil-Aust.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph