GIILANG bag-ong WBO welterweight champion si undefeated American boxer Timothy Bradley human mailog ang korona kang 8-division world champion Manny Pacquiao.
Sa makapabilib nga performance, gipakita ni Bradley ang kusog ug stamina niini batok sa mga power combinations sa Filipino ring icon.
Bisan pipila ka higayon maigo ni Pacquiao si Bradley sa iyang mga solid left punches apan kuyaw ug gahi ang American fighter.
Base sa scorecards, duha ka hurado ang naghatag og 115-113 nga iskor kang Bradley aron makuha niini ang korona via split decision.
Kahinumduman, una nagsugod ang away, gipanghambog na ni Bradley nga iyang pakuratan ang kalibutan ug usa, matud pa, "upset of the decade" ang makita sa tanan.
Nanghambog sab si Bradley nga sa Nobyembre sigurado nang dunay mahitabong rematch kang Pacquiao.
"I just wait Manny to make mistakes then I gave him my best shots," matud ni Bradley human sa ilang away.
Welcome sab alang sa boksingero nga hatagan og rematch si Pacquiao.
"We can do it again."
Sa bahin ni Manny, giduol sab dayon niya ang bag-ong kampeyon ug gidayeg kini.
"The fight is good. He (Bradley) is a good opponent. He is strong," ni Manny.
Wala sab, matud pay, problema sa Pinoy boxer alang sa ikaduhang pag-atbang nila ni Bradley.