Bradley nagpabiling’ kampyeon!

NAHUPTAN gihapon ni American boxer Timothy Bradley ang WBO welterweight crown niini sa away kontra kang four-division world champion Juan Manuel Marquez didto sa Las Vegas Nevada niadtong Dominggo.

Base sa scorecards, 115-113 (Marquez), 115-113 (Bradley) ug 116-112 (Bradley) aron madepensahan ni Bradley ang titulo via split decision.

Bisan mas agresibo ang 40 anyos nga Mexican challenger, apan nagkuwang gihapon kini tungod sa sobra kapaspas ug kaabtik ni Bradley.

Halata sab ang pagka-desperado ni Marquez nga di maigo ang 30 anyos American champion.

Epektibo sab alang kang Bradley ang iyang mga jabs ug counter-punches aron pugngan ang atake kaniya sa kalaban.

Sa uwahing segundo sa 12th Round, natarog pa si Marquez sa left hook ni Bradley.

Kahinumdoman, ang maong korona nailog ni Bradley kang 8-division world champion Manny Pacquiao sa usa ka kontrobersiyal nga split decision victory.

Niadtong bulan sa Marso, unang naidepensahan ni Bradly ang titulo kang Ruslan Provodnikov diin midaug siya pinaagi sa unanimous decision.

Sayo niini, gibutyag ni Nevada State Atletic Commission executive director Keith Kizer, $6-million ang mahimong guaranteed purse ni Marquez kung ikumpara sa $4.1 million nga premyo ni Bradley.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph