Cashier sa CCMC girekomendar nga ikiha

NAG-ATUBANG og kasong kriminal ang cashier sa Cebu City Medical Center (CCMC) kay giingong gibulsa niya ang pundo nga iya sa kagamhanan nga nahitabo hapit na 10 ka tuig ang nakalabay.

Si Caridad Sayson, cashier 1 sa Billing Section sa Cebu City Medical Center (CCMC), girekomendar sa Office of the Ombudsman-Visayas nga pasakahan sa kasong kalapasan sa malversation of public funds nga nalatid sa Article 21 sa Revised Penal Code tungod sa nahanaw nga P4,065 niadtong Nobyembre 2001 ngadto sa Marso 2002.

Mamahimong temporaryong gawasnon si Sayson ning giatubang niyang kaso kay girekomendar nga ma-kapiyansa og P20,000.

Ang Commission on Audit (COA) maoy nipasaka ning kaso batok kang Sayson human sa cash examination nga ilang gipahigayon nga nakasuta nga nahanaw ang salapi.

Ilang nasuta nga dunay kasaypanan sa resibo nga giisyo ni Sayson hinungdan nga nagkuwang ang salapi dihang gi-audit kini dihang maoy nanawat sa mga gibayad sa pasyente sa CCMC.

Sa iyang bahin, ang suspek nihimakak nga gihimo niya ang pasangil.

Nalatid sa iyang “letter-response” kang Hilario Cabreros sa COA nga nunot sa kakabos hayan iyang aksidenting nagamit ang salapi apan nahisgutan niya kini tungod sa kahadlok.

u201cThat letter-response was prepared out of pressure and threats by the COA personnel since they would be filing a case against her,” nagkanayon ang nalatid sa resolosyon nga giandam sa Ombudsman.

Iyang gitumbok nga tungod sa kahadlok dali niyang gibayran ang giingong nahanaw nga salapi aron wa nay samok ug di na siya magproblema sa higayon nga mo-retire siya.

Bisan niini, wa hatagig gibug-aton sa Ombudsman ang depensa ni Sayson hinuon nirekomendar silang ipasaka ang kaso sa korte.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph