CCSC mopahigayon og sports grassroots summer program

MOPAHIGAYON ang Cebu City Sports Commission og libre nga Summer Grassroots Sports Training Program alang sa mga bata nga-edad siyete ngadto sa 14 anyos.

“I encourage the parents nga paapilon ang ilang mga anak aron malingaw ang mga bata sa ilang summer vacation. Mahimo pud kining avenue sa mga bata aron makat-unan pag-ayo ang ilang sports nga ganahan,” saysay ni Cebu City Sports Commission (CCSC) Chairman Edward Hayco.

Ang kalihukan mahitabo karong umaabot nga Abril 21-Mayo 27, 2014 matag Martes, Huwebes ug Sabado.

Adunay nagkalain-laing mga aktibidad nga pwedeng salmutan sa mga bata lakip na ang arnis, archery, boxing, badminton, chess, dancesports, karatedo, soccer indoor, sepak takraw, softball, taekwondo, table tennis, track and field, volleyball ug weightlifting nga mahitabo kada alas dos hangtod alas kwatro sa hapon. Aduna usab basketball nga pagahimuon kada ala una sa hapon.

Kining libreng sports training program pagahimuon sa nagkadaiyang school gyms sa habagatan ug amihanang distrito sa siyudad sa Sugbo.

Alang sa dugang mga impormasyon, ma­mahimong motawag sa Cebu City Sports Commission Office (520-8839) o makighinabi sa mga school sports coordinator sa mga tunghaan. (Genzel Garay/ Edren Marie Lumbab CNU Comm. Interns)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph