Cebu City Trail run giuswag

GUMIKAN sa hulga nga hatod sa bagyong Ruby, giuswag ang pag­pahigayon sa 1st Cebu City Mayor’s River-Mountain Trail Run nga gikatakda unta karong adlawa.

Ang mga nag-organisar naka­desisyon nga ipahigayon na lang kini karong Disyembre 14.

Si Cinbeth Orellano sa Cebu City Tourism Commission, usa sa mga nag-organisar, nga plano unta nilang ipahigayon karong Disyembre 13 ang lumba apan nakasumpaki kini og eskedyul sa laing lumba.

“We also considered Dec. 13 as the possible new date of the run, but there is another run in Sumilon Road that has already been scheduled on that day so Dec. 14 is the final day of the race,” asoy ni Orellani sa interbyu sa Sun.Star Daily, igsuong buhatan ning mantalaan.

Ang lumba, nga manukad ug mahuman sa Golden Haven Memorial Park, mosubay sa bukirang dapit sa Barangay Agsungot, Binaliw ug Guba sa Talamban.

Aduna kini duha ka mga kategoriya, ang 11-kilometer ug 6K.

Kutob ra 700 ka runners ang dawaton sa mga nag-organisar.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph