Centcom nagpaluyo kang PNoy: Bonafos

PANGULO sa Central Command (CENTCOM) miklaro nga padayon silang nagpaluyo sa administrasyon ni Presidente Benigno Aquino III samtang mihimakak sa mga pagduda nga duna planong pag-alsa batok sa administrayon.

Si Lt. Gen. John Bo­nafos niingon nga nga way kamatuoran ang mga report nga dunay young officers sa AFP ang  nang-recruit sa ka­u­­ban nilang mga sunda­wo  aron batokan ang pa­munuan ni  Pnoy.

Matod ni Bonafos nga nagpabiling soli­do  ang pagsalig sa na­mu­noan sa kasunda­lo­han  ngadto sa presidente ug padayong loyal sa chain of command.

Gipasabot ni Bonafos nga  mas gipalig-on pa nila karon ang paghatag og batakang serbisyo sa publiko uban sa mga local government unit nga angay nga palambuon, paghatud sa serbisyo  ngadto sa  labing ubos nga hut-ong sa katilingban.

Samtang walay na-monitor ang Centcom nga dunay nasagmuyo nga mga opisyal sa militar batok sa goberno.

Gani pulos  lang pagdayeg ang ilang nadungog  human sa state of the nation address sa presidente.

Ilang gipahimangno­an ang ilang mga sakop nga di mosakay sa bisan unsang mga isyu ug

mopadayon sa ilang trabaho.

Usa sa mga unod sa Sona ni Pnoy mao ang pagpalambo pa sa kaga­mitan sa kasundalohan sa nasud nga gikalipay ni­la ug nga  naghatag pa kanila og taas nga morale.

Si Lt. Col Jim Alagao Public Information Officer sa CENTCOM nagkanayon nga duna nay daghang mga gamit ang nangabot alang sa pagpalambo sa kagamitan sa kasundalohan sa nasud.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph