Cesafi mas milig-on

SA mga kontrobersiya nga naagian sa Cebu Schools Athletic Foundation Inc. (Cesafi) hilabi na sa miaging tuig diin wala’y nadeklarar nga kampiyon sa high school division, mas nilig-on ang liga.

Mao kini ang gipabuhagay ni Commissioner Felix Tiukinhoy kagahapon atol sa pormal nga paglusad sa 2014 Cesafi season sa Parklane Hotel.

Ang Cesafi 2014 sugdan karong Sabado sa Cebu Coliseum.

“With all these incidents, we’re getting stronger,” batbat ni Tiukinhuy dihang nahisgutan ang mga kontrobersya nga naagian sa liga hilabi na ang isyu kabahin ni Scott Aying sa University of San Carlos (USC) Baby Warriors.

Ang Cesafi adunay nakit-ang “iregularidad” sa credentials ni Aying hinungdan nga gi-disqualify kining makaduwa sa miaging tuig.

Apan midangop sa hukmanan ang kampo ni Aying ug sa pagdagan sa kaso, nakadesisyon ang Cesafi nga dili lang una ipadayon ang kombati sa high school division. Niadtong higayuna nagpatong na sa semi-finals ang kombati diin usa ang Baby Warriors sa mga nakasulod.

Hangtod karon, nga manugsugod na ang laing season sa Cesafi, wala gihapon nasulbad ang kaso.

Mihangyo si Tiukinhoy sa tanang teams nga kon aduna kini mga reklamo batok kaniya o batok mismo sa liga, dili lang unta kini mohimo’g lakang nga makadaot o makaapekto sa liga.

“Dili na lang unta ni dad-on outside sa Cesafi. These things can be resolved by talking to each other,” dugang ni Tiukinhoy.

Sa laing bahin, kulbahinam lang gihapon ang mga kombati sa liga bisan pa’g nawad-an og usa ka team ang college division nga mao ang University of Southern Philippines Foundation (USPF).

“With four teams having imports, we still expect a good crowd. Sa una, ang UV ug Southwestern ra man ang naay imports pero karon upat na,” matod ni Tiukinhoy.

Gawas sa defending champion University of the Visayas (UV) Green Lancers ug Southwestern University (SWU) Cobras, naa na sab imports ang University of San Jose Recoletos (USJ-R) Jaguars ug University of San Carlos (USC) Warriors.

“Our team is very competitive. We’re not hiding but we’re just preparing ourselves,” reaksyon ni USJR coach Jun Noel sa pagtuo nga aduna siya’y gipangtaguang hinagiban.

Ang Cobras ug Green Lancers, nga mao ang labing inilog sa liga, parehong ningsanong nga dili nila maseguro ang tanan.

Ang laing duha ka teams, nga mao ang University of Cebu (UC) Webmasters ug Cebu Institute of Technology University (CITU) Wildcats, dili sab bastabasta magpalupig.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph